Aksident në aksin Shkodër-Lezhë: 43-vjeçarja përplas me makinë një këmbësore

10:22 | 3 Gusht 2021
Trina Galanxhi

Një aksident me pasojë plagosjen e një këmbësoreje ka ndodhur paradite në aksin rrugor Shkodër-Lezhë pran fshatit Mabë.

Policia në një njoftim për mediat sqaron se mjeti tip “Volkswagen” me drejtuese shtetasen K.U.,43 vjeçe, ka përplasur këmbësoren L.K., e cila po transportohet në spitalin e Traumës Tiranë, ku ende nuk ka detaje për gjendjen shëndetësore.

Bëhet me dije se drejtuesja e mjetit është shoqëruar në Komisariatin e Policisë Lezhë, për veprime të mëtejshme.

Ndërkohë një grupi hetimor ndodhet në vendngjarje dhe punon për sqarimin e plotë të shkakut dhe rrethanave të aksidentit.

“Në aksin rrugor Shkodër-Lezhë, në fshatin Mabë, mjeti tip “Volkswagen” me drejtuese shtetasen K.U.,43 vjeçe, banuese në Mabë, Lezhë ka përplasur këmbësoren L.K., e cila po transportohet në spitalin e Traumës Tiranë”-njoftoi policia.